काठमाडौँ , कात्तिक १ : दसैंका समयमा वस्तु तथा सामग्रीको आपूर्ति सहज बनाउने उद्देश्यले चीनसँगको तातोपानी नाका तीन दिनका लागि अस्थायी रूपमा सञ्चालनमा आएको हो ।
चिनियाँ पक्षले नेपाली पक्षको आग्रहलाई सम्बोधन गर्दै नाका अस्थायी रूपमा खोल्ने निर्णय गरेको हो। अक्टोबर १८ देखि २० सम्म तीन दिन तातोपानी नाका सञ्चालन हुने छ । उक्त अवधिमा कार्गो ट्रकलाई मात्र आवतजावत गर्न अनुमति दिइनेछ।
तातोपानी भन्सार कार्यालयका भन्सार अधिकृत नरेन्द्र सिंह चैसिर भन्सार खुला रहेको जानकारी दिनुभयो । उहाँले भन्नुभयो 'भन्सार खुला छ, हामी तयार छौं, अहिलेसम्म मालवाहक सवारीहरु आइपुगेको छैन । '
