काठमाडौं ,चैत २३ ः काठमाडौंका केही स्थानमा आज विद्युत् आपूर्ति अवरुद्ध हुने भएको छ ।
नेपाल विद्युत् प्राधिकरणका अनुसार भक्तपुर–चपली १३२ के.भी. प्रसारण बन्द गरी काम गर्नुपर्ने भएकाले केही स्थानमा आज विद्युत् सेवा अवरुद्ध हुने भएको हो ।
काठमाडौं ग्रिड महाशाखा अन्तर्गतका सबस्टेसनहरूबाट विद्युत् आपूर्ति हुने बानेश्वर वितरण केन्द्र, महाराजगञ्ज वितरण केन्द्र, रत्नपार्क वितरण केन्द्र, जोरपाटी वितरण केन्द्र, बालाजु वितरण केन्द्र र कुलेश्वर वितरण केन्द्रबाट वितरण हुने क्षेत्रमा आज दश घण्टा विद्युत् सेवा अवरुद्ध हुनेछ ।
बिहान ५ बजेदेखि दिउँसो ३ बजेसम्म विद्युत् आपूर्ति बन्द हुने प्राधिकरणले जनाएको छ ।
