काठमाडौं, चैत ११ :हाल देशमा पश्चिमी वायुको सामान्य प्रभाव छ। जल तथा मौसम पूर्वानुमान महाशाखाका अनुसार सोमबार बिहान देशैभरि आंशिक बदलीदेखि मौसम मुख्यतया सफा छ।
सोमबार दिउँसो कोशी, बागमती र गण्डकी प्रदेशमा आंशिक बदली र बाँकी भूभागमा आंशिक बदलीदेखि मुख्यतया सफा रहने पूर्वानुमान छ। दिउँसो कोशी प्रदेशको पहाडी भूभागका एक दुई स्थानमा मेघगर्जनसहित हल्का वर्षाको सम्भावना रहेको मौसविद बिनु महर्जनले जानकारी दिनुभयो । । बाँकी भूभागको मौसम सफा रहने पूर्वानुमान रहेको उनले बताइन्। सोमबार राति पनि दैशभरि आंशिक बदलीदेखि मुख्यतया सफा रहन पूर्वानुमान छ।
काठमाडौं उपत्यकामा पनि सोमबार मौसम आंशिक बदलीदेखि मुख्यतया सफा रहने मौसविद महर्जनले बताउनुभयो । आइतबारसम्म रहेको पश्चिमी न्यूनचापीय प्रणाली बाहिरिएको बताइएको छ ।
