काठमाडौँ, फागुन १३ : चन्द्रागिरि नगरपालिकाले चन्द्रागिरि १५ स्थित नैकाप भञ्ज्याङमा आकाशेपुल  निर्माण गर्ने भएको छ । यसका लागि विद्युतीय ठेक्का प्रक्रिया सुरु भएको छ ।

सडक विभाग लगायत संघीय निकायसंगको लामो समयको समन्वय पश्चात आकाशेपुल निर्माण कार्य अगाडि बढेको हो । चन्द्रागिरि नगरपालिकाका मेयर घनश्याम गिरीले आवत जावतलाई थप सहज बनाउन नैकाप भञ्ज्याङमा आकाशेपुल  निर्माण गर्न लागेको जानकारी दिनुभयो ।  उक्त पुलको निर्माण पश्चात उक्त क्षेत्रका नागरिकलाई आवतजावत गर्न तथा यातायात व्यवस्थापन गर्न सहज हुने विश्वास गरिएको छ ।