काठमाडौं, फागुन ४ : राष्ट्रपति रामचन्द्र पाैडेलले किर्तिपुर वर्न अस्पतालमा उपचाररत उपप्रधानमन्त्री तथा अर्थमन्त्री विष्णु पाैडेलकाे स्वास्थ्य अवस्थाबारे जानकारी लिनुभएकाे छ । राष्ट्रपति पाैडेल आइतबार बिहान साे अस्पताल पुगेर मन्त्री पाैडेल र पाेखरा महानगरपालिकाका मेयर धनराज आचार्यकाे स्वास्थ्य अवस्थाबारे जानकारी लिनुभएकाे हाे ।
राष्ट्रपति पाैडेललाई स्वास्थ्यमन्त्री प्रदीप पाैडेल, सचिव डा राेशन पाेखरेल र हरिप्रसाद मैनाली तथा अस्पतालका निर्देशक किरणकिशाेर नकर्मीलगायत उपचारमा संलग्न चिकित्सकले मन्त्री पाैडेल र मेयर आचार्यकाे स्वास्थ्य अवस्था र उपचार प्रक्रियाबारे जानकारी गराउनुभएकाे थियोे ।
उपप्रधानमन्त्री पाैडेल र मेयर आचार्य पाेखरामा शनिबार भएको एक कार्यक्रम उदघाटनका क्रममा भएको घटनामा परी आगाे लागेर घाइते भई साे अस्पतालकाे आइसियुमा शनिबार भर्ना हुनुभएको थियोे ।
