काठमाडौँ, फागुन २ : चन्द्रागिरि नगरपालिकालाई नेपाल एपिएफ अस्पताल बलम्बुले सम्मान गरेको छ । नेपाल एपिएफ अस्पतालको २३ औँ वार्षिकोत्सवका अवसरमा आज चन्द्रागिरि १२ स्थित बलम्बुमा आयोजित विशेष कार्यक्रममा सशस्त्र प्रहरी महानिरीक्षक राजु अर्यालले चन्द्रागिरि नगरपालिकाका प्रमुख घनश्याम गिरीलाई दोसल्ला ओढाइ सम्मान गर्नुभएको हो ।
चन्द्रागिरि नगरपालिका र नेपाल एपिएफ अस्पतालबीच निरन्तर भइरहेको सहयोग र सहकार्यमा चन्द्रागिरि नगरप्रमुख गिरीले महत्वपूर्ण भूमिका निर्वाह गर्दै आइरहनुभएको जनाउँदै उहाँलाई सम्मान गरिएको हो । विसं २०५८ फागुन २ गते सो अस्पतालको स्थापना भएको थियो । अस्पताललले सशस्त्र प्रहरी बलमा कार्यरत, अवकाश प्राप्त कर्मचारीका अतिरिक्त सर्वसाधारण नागरिकलाई पनि आफ्नो सेवा प्रदान गरिराखेको छ ।
