काठमाडौँ, माघ ३० :आज पनि देशका विभिन्न ठाउँमा मौसम बदली भएको छ । पश्चिमी न्यून चापिय प्रणालीको आंशिक प्रभाव रहेकाले मौसम बदली भएको हो ।
मौसम पूर्वानुमान महाशाखाका अनुसार आज मध्य तराई र पूर्वी तराईका केही भू-भागमा हुस्सु र कुहिरो लागेको छ ।कोशी, गण्डकी र कर्णाली प्रदेशका पहाडी भू-भागमा आंशिक बदली भएको छ भने बाँकी भू-भागमा मौसम सफा रहने महाशाखाले जनाएको छ ।
महाशाखाकाअनुसार आगामी २४ घण्टामा तीन प्रदेशका उच्च पहाडी र हिमाली क्षेत्रमा हिमपातको पनि सम्भावना रहेको छ । कोशी, गण्डकी र कर्णाली प्रदेशको उच्च पहाडी र हिमाली क्षेत्रका केही ठाउँमा हल्का हिमपात हुने पूर्वानुमान महाशाखाको छ ।
