काठमाडौं, माघ १० : चन्द्रागिरि प्राथमिक अस्पताल थानकोट - धुलिखेल रुटमा यात्रुहरूलाई सेवा प्रदान गर्न महानगर यातायात प्रालिले आजदेखि ४० वटा यात्रु बस सेवा सुरु गरेको छ । चन्द्रागिरि नगरपालिकाका नगर प्रमुख घनश्याम गिरीज्युले एक कार्यक्रमका बीच सो बस सेवा शुभारम्भ भए को जानकारी गराउनु भयो। सिप्रदी ट्रेडिङ्ग प्रालिले सोही कार्यक्रममा बसहरूको चाबी महानगर यातायात प्रालिलाई हस्तान्तरण गरेको हो। नयाँ बसहरू सञ्चालनमा आएसँगै महानगर यातायातले चक्रपथ बाहेकका अन्य गन्तव्य र रुटहरूमा पनि सेवा बिस्तार गरेको महानगर यातायात प्रालिका उपाध्यक्ष सन्तोष खतिवडाले बताए।
हालका लागि ती बस थानकोट गोदाम - चेकपोस्ट-सतुङ्गल-कलंकी-बल्खु- कोटेश्वर-भक्तपुर-बनेपा हुँदै धुलिखेलसम्म पुग्नेछन्। फर्कँदा भने ती बस कोटेश्वरबाट सिनामंगल- चक्रपथ- कलंकी हुँदै थानकोट गोदाम पुग्नेछन्।
साथै, महानगर यातायात प्रा.लि.ले आफूलाई पब्लिक लिमिटेड कम्पनीमा रुपान्तरण गर्ने निर्णय गरेको पनि खतिवडाले जानकारी गराए ।
