काठमाडौं, माघ ९ : कृषि तथा पशुपन्छी विकास मन्त्रालय, खाद्य प्रविधि तथा गुण नियन्त्रण विभागले मोवाइल फुड ल्याव भ्यान प्रयोग गरी कालीमाटी तरकारी फलफूल बजारमा आकस्मिक तरकारी तथा फलफूलमा जीवनाशक विषाधि अवशेष परिक्षण गरेको छ ।
यही माघ ८ गते राती ११ः०० वजेदेखि आज विहान ४ः०० वजेसम्म कालीमाटी तरकारी फलफूल बजारमा भित्रिने तरकारी तथा फलफूलमा विभागले स्थलगत परिक्षण गरेको थियो । आलु, प्याज, गोलभेंडा लगायत १५० वटा तरकारी तथा फलफूलहरुको नमूना परिक्षण गरेको थियो । २० जिल्ला एवं भारतबाट आएका गाडीहरुको परिक्षण गरिएका मध्ये हरियो सिमीको एउटा नमूनामा ४२ प्रतिशत इन्जाएम इन्हिभिशन पाइएको थियो ।
