काठमाडौँ, माघ ८ ः धितोपत्र दोस्रो बजार मापक नेप्से परिसूचक आज ५.०८ अंकले बढेको छ । नेप्से परिसूचक ०.१९ प्रतिशतले वृद्धि भएर २६१३.०८ विन्दुमा बन्द भएको हो । नेप्से परिसूचक बढे पनि कारोबार रकममा कमी आएको छ ।
सोमबारको सेयर कारोबार रकमको तुलनामा ३८ करोड रुपैयाँले कमी आएको नेपाल स्टक एक्सचेन्ज (नेप्से)ले जनाएको छ ।
यस दिन ६ अर्ब १९ करोड रुपैयाँको सेयर खरिद–बिक्री भयो । सोमबार ६ अर्ब ५७ करोड रुपैयाँको सेयर किनबेच भएको थियो ।
१०६ कम्पनीको सेयर मूल्य बढेको छ । १२९ कम्पनीको सेयर मूल्य घटेको छ । आठ कम्पनीको सेयर मूल्य स्थिर छ ।
मन्दाकिनी हाइड्रोपावरको सेयर मूल्य १० प्रतिशतले बढेको छ । कारोबारमा आएका १३ मध्ये पाँच समूहको परिसूचक घटेको छ । बाँकी समूहको परिसूचक बढेको छ ।
परिसूचक सर्वाधिक वृद्धि ‘अन्य’ समूहको भएको छ । मंगलबार यो समूहको परिसूचक २.७९ प्रतिशतले बढेको छ ।
