काठमाडौं, पुस २३ : तिब्बत भूकम्पबाट ठूलो जनधनको क्षति भएको छ । नेपाली समयअनुसार, मंगलबार बिहान ६:५० बजे गएको भूकम्पबाट मंगलबार साँझसम्म चीनमा ९५ जनाको ज्यान गइसकेको छ । अन्य कम्तीमा १३० जना घाइते भएका छन् ।
नेपालको भूकम्प मापन तथा अनुसन्धान केन्द्रका अनुसार ७ म्याग्निच्युडको भूकम्प गएको थियो । चिनियाँ निकायले भने ६.८ म्याग्निच्युडको भूकम्प मापन भएको जनाएको छ ।
भूकम्पका कारण धेरै घरहरूमा क्षति पुगेको छ । क्षतिको विवरण संकलन भइरहेको चिनियाँ सञ्चारमाध्यमले जनाएका छन् ।
