काठमाडौँ, पुस २२ : चन्द्रागिरि नगरपालिकाव्दारा सञ्चालित प्राथमिक अस्पताल थानकोटमा हरेक सोमबार विहान १० बजेदेखि अपाराह्न १ बजेसम्म स्त्रीरोग विशेषज्ञ डा तारा मानन्धरले आफ्नो सेवा निरन्तर प्रदान गर्नहुने भएकोछ । अस्पतालका प्रमुख डा रोशन पोखरेलले यसबाट विशेषगरी गर्भवती तथा प्रसूतीका बिरामीले विशेषज्ञ सेवा पाउने जानकारी दिनुभयो ।
अस्पतालले पछिल्लोसमय भेन्टिलेटर सेवा सञ्चालनमा ल्याएको छ । बागमती प्रदेशका मुख्यमन्त्री बहादुरसिंह लामाले यही पुस ४ गते अस्पताललाई सो उपकरण हस्तान्तरण समेत गर्नुभएको थियो । विसं २०७६ बैशाख २८ गतेदेखि चन्द्रागिरि ४ थानकोटमा सञ्चालित १५ शथ्याको सो अस्पतालले २४ सैँ घण्टा आकस्मिक सहित बर्थिड सेवा प्रदान गरिराखेको छ ।
