काठमाडौँ, पुस १९ : संयुक्त बजार अनुगमन टोलीले चन्द्रागिरि नगरपालिका वडा नं ८ भित्र सञ्चालित खानेपानी उद्योगहरुमा आज आकस्मिक अनुगमन गरेको छ । चन्द्रागिरि नगरपालिका सहित जिल्ला प्रशासन कार्यालय काठमाडौँ, प्रहरी वृत्त थानकोट र खाद्य प्रविधि तथा गुण नियन्त्रण विभागका प्रतिनिधिको सो अनुगमन टोलीमा सहभागिता रहेको थियो ।
खाद्य प्रविधि तथा गुणस्तर विभागव्दारा हालै प्रयोगमा ल्याइएको अत्याधुनिक घुम्ति प्रयोगशाला मार्फत गरिएको सो परीक्षणमा चन्द्रागिरि ८ स्थित खानेपानी उद्योगहरुव्दारा उत्पादित खानेपानीमा गुणस्तरीय भएको पाइएको थियो ।
चन्द्रागिरि नगरपालिका उद्योग, वाणिज्य तथा व्यवसाय प्रवद्र्धन शाखाका प्रमुख एवं अनुगमन टोलीका सदस्य राजुबहादुर खड्काले चन्द्रागिरि ८ स्थित खानेपानी उद्योगव्दारा उत्पादित खानेपानीमा पीउन योग्य तथा गुणस्तरीय पाइएको जानकारी दिनु थियो । अनुगमनका क्रममा टोलीले पानी भर्न अयोग्य केही बोतल तथा जार नष्टगरेको जनाइएको छ ।
