काठमाडौँ, पुस १७ : चन्द्रागिरि नगरपालिका र युएनओपिस बीचमा कार्यक्रम सञ्चालनका लागि पिसिए सम्झौता भएको छ ।
हालै सम्पन्न सो सम्झौतामा युएनओपिसको आर्थिक एवं प्राविधिक सहयोगमा विभिन्न कार्यक्रम सञ्चालन गर्ने रहेको जनाइएको छ । सम्झौतामा विशेष गरेर युएनओपिसले चन्द्रागिरि नगरपालिकालाई महिला मैत्री नगरपालिका बनाउन सहयोग गर्ने रहेको छ ।
सो अवसरमा चन्द्रागिरि नगरपालिकाका मेयर घनश्याम गिरीले नगरपालिकाले शिक्षा, स्वास्थ्य तथा खानेपानी जस्ता क्षेत्रमा लगानी वृद्धि गरिरहेको जानकारी दिनुभएको थियो ।
युएनओपिसका नेपालका कन्ट्रि म्यानेजर कोमल कार्कीले युएनओपिस र चन्द्रागिरि नगरपालिकाका बीचमा पिसिए सम्झौता हुनु गौरवको विषय हो भन्नुभयो ।
