काठमाडौँ, मसिर ४ ः धादिङको धुनिवेशी नगरपालिका धार्केमा धर्मकाटाको डिजिटलाइजेशन गरिएको छ । भौतिक पूर्वाधार तथा यातायात मन्त्री देवेन्द्र दाहाल, धुनिबेशी नगरपालिकाका मेयर बालकृष्ण आचार्य र नेपाल ट्रक यातायात व्यवसायी महासघका अध्यक्ष हिरालाल श्रेष्ठले आज संयुक्त रुपमा धार्केको धर्मकाटाको डिजिटलाइजेशनको औपचारिक शुभारम्भ गर्नुभयो ।
नेपाल ट्रक यातायात व्यवसायी महासंघको व्यवस्थापनमा रहेको सो धर्मकाटाको डिजिटल रूपान्तरणले ओभरलोड नियन्त्रणमा मद्दत पुग्ने विश्वास लिइएको छ । सो अवसरमा मन्त्री दाहालले ४९ टनभन्दा बढी भार बोक्न नपाउने नियमलाई कडाईका साथ कार्यान्वयनमा ल्याइने जानकारी दिनुभयो । उहाँले सडकको भारक्षमता भन्दा बढी भारबोक्ने ट्रक यातायातलाई कारवाही समेत गरिने बताउनुभयो ।
