काठमाडौँ ,कार्तिक २२ : जिल्ला प्रशासन कार्यालय धादिङले धार्के – सीतापाइला सडक स्तरोन्नती हुन लागेकाले वैकल्पिक मार्ग प्रयोग गर्नका लागि सम्वन्धित सरोकारवाला निकायहरुलाई अनुरोध गरेको छ । २०८१ साल कार्तिक २३ गतेदेख १५ दिनका लागि धार्के–सीतापाइला सडक धादिङ जिल्ला खण्ड (धार्के–ठूलोखोला सडक खण्ड ) अन्तर्गत सडक कालोपत्रे गरी स्तरोन्नती कार्य गर्न लागिएकाले १५ दिनसम्म उक्त सडक खण्डमा एम्बुलेन्स, सुरक्षा निकायले प्रयोग गर्ने सवारी साधान र हलुका सवारी साधन (चार पाङ्ग्रे) बाहेकका सबै प्रकारका सवारी साधनहरुलाई पूर्ण रुपमा रोकिने भएकाले वैकल्पिक मार्ग प्रयोग गर्न अनुरोध गरिएको छ ।