काठमाडौँ,, जेठ ५ : चन्द्रागिरि नगरपालिका गोदावरी मेयर कप प्रतियोगिताको उपविजेता भएको छ । उपविजेता भएसँग उसले नगद तीनलाख सहित मेडलमा चित्त बुझाउनु परेको छ । यसैगरी काठमाडौ महानगरपालिका प्रतियोगिताको विजेता भइ पाँचलाख नगद मेडल हात पारेको छ ।
आज गोदावरी बहुउद्देश्यीय रङ्गशालाको झ्यालुन्टार मैदानमा भएको फाइनल खेलमा चन्द्रागिरि नगरपालिकालाई २–१ गोल अन्तरले पराजित गर्दै काठमाडौँ महानगर विजेता बनेको हो । खेलको ६९ औं मिनेटमा काठमाडौं महानगरपालिकाका अखिलेश कार्कीले पहिलो गोल गरेका थिए । अन्त्यन्त रोमाञ्चकारी खेलमा चन्द्रागिरि नगरपालिकाका अविरल रिजालले खेलको ८८ औं मिनेटमा गोल गर्दै खेललाई बराबरीमा पु¥याएका थिए । लगत्तै काठमाडौंका दिपेश श्रेष्ठले गोल गरेपछि खेल काठमाडौं महानगरपालिकाले २–१ ले जितेको हो ।
गत वैशाख २९ गते सम्पन्न हुनेगरी तयारी गरिएको प्रतियोगिता वर्षात्का कारण सेमिफाइनल खेल रोकिँदा ढिला सम्पन्न भएको प्रतियोगिताका संयोजक निरोज बज्राचार्यले बताउनुभयो ।
गोदावरी नगरपालिकाको आयोजनामा गत वैशाख १५ गतेदेखि प्रथम उपत्यकाव्यापी अन्तरपालिका खुला मेयरकप फुटबल प्रतियोगिता भएको थियो । उपत्यकाभित्रका १४ वटा पालिकाका १५ वटा टिम प्रतियोगितामा प्रतिस्पर्धाका लागि सहभागी थिए ।
---
