काठमाडौँ भदौँ २८ : रसुवाको भोटेकोशी बाढीपहिरोमा परी मृत्यु भएकाहरूको र उनीहरूका आफन्तको गरी अहिलेसम्म ३ हजार १ सय ३२ डीएनए नमुना संकलन भएको छ ।
नेपाल प्रहरीका अनुसार शवबाट १ हजार २ सय ८६ र वेपत्ताका आफन्तबाट १ हजार ८ सय ४६ गरी यो संख्यामा डीएनए नमुना संकलन गरिएको हो ।
भोटेकोशी बाढीमा पहिचान नखुलेका शवको संख्या धेरै भएकाले सनाखत चुनौतीपूर्ण बनेको छ। पहिचानका लागि आफन्तको रगत तथा शवबाट डीएनए नमुना संकलन गरेर परीक्षण भइरहेको छ ।
बाढीपहिरोमा परी मृत्यु भएका ८ सय ७६ जनाको शव फेला परेको छ। तीमध्ये ५ सय ४२ पुरुष र ३ सय ३४ महिला छन् ।
हालसम्म १ हजार ३ सय ८८ जनाको मुचुल्का गरिएको छ भने १ सय ३ शव आफन्तलाई हस्तान्तरण गरिएको छ ।
१ हजार २ सय ३० शवलाई भने जमिनमुनि सुरक्षित राखिएको छ। डीएनए म्याच भएपछि कानुनी प्रक्रिया पूरा गरी शव आफन्तलाई बुझाइनेछ ।
