बर्दिया, साउन १६ :बर्दियामा एक वयस्क गैँडा मृत फेला परेका छ । गेरुवा गाउँपालिका वडा ६ असारेगौडी नजिक गेरुवा नदीको विचभागमा गैँडा मृत फेला परेको हो ।
मृत गैँडा करिब २१ वर्षको भाले गैंडा रहेको अनुमान गरिएको छ । गैँडा एक आपसमा जुधेर मरेको प्रारम्भिक अनुमान गरिएको बर्दिया राष्ट्रिय निकुञ्जका सूचना अधिकारी महेश न्यौपानेले बताउनुभयो । उहाँले गैँडाको खाग सुरक्षित रहेको बताउँदै पोष्टमार्टमको रिपोर्ट आएपछि मात्र विस्तृत विवरण थाहा हुने बताउनुभयो ।
गैँडा मृतअवस्थामा देखेपछि स्थानीयले बर्दिया राष्ट्रिय निकुञ्जमा खबर गरेका थिए । हाल निकुञ्ज र राष्ट्रिय प्रकृति संरक्षण कोषका कर्मचारी पोष्टमार्टमका लागि खटिएका छन् ।
