काठमाडौं, कात्तिक२८:कास्की र मनाङको सिमानास्थित अन्नपूर्ण दोस्रो हिमाल क्षेत्रमा आज भूकम्पको धक्का महसुस गरिएको छ ।
बिहान ६ बजेर ४० मिनेटमा ३.७ म्याग्निच्युडको धक्का मापन गरिएको राष्ट्रिय भूकम्प मापन तथा अनुसन्धान केन्द्रले जनाएको छ ।
यसअघि, यही कात्तिक २४ गते दिउँसो २ बजेर ४३ मिनेटमा दार्चुलाको गोकुलेश्वर आसपास केन्द्रविन्दु भएको ३.५ म्याग्निच्युडको धक्का मापन गरिएको थियो । यही कात्तिक २१ गते दिउँसो २ बजेर २२ मिनेटमा अछाममा ४ म्याग्निच्युडको भूकम्प गएको थियो ।
त्यसको अघिल्लो दिन अर्थात् कात्तिक २० गते राति १० बजेर ४० मिनेटमा दार्चुलामा ४.१ म्याग्निच्युडको भूकम्प गएको केन्द्रले जनाएको छ ।
