काठमाडौं, असोज १८ : जल तथा मौसम विज्ञान विभाग, बाढी पूर्वानुमान महाशाखाको असोज १८ गते विहान ८ बजे जारी बुलेटिन अनुसार आज सुनसरी, उदयपुर, सप्तरी सिरहा, धनुषा, महोत्तरी, सर्लाही, रौतहट, बारा, पर्सा, सिन्धुली, दोलखा, रामेछाप, सिन्धुपाल्चोक, काभ्रेपलान्चोक, काठमाडौं, ललितपुर, भक्तपुर, मकवानपुर, चितवन र आसपाका जिल्लाहरुमा अति उच्च जोखिमको सम्भावना रहने पूर्वानुमान रहेकाले उक्त नदी तटीय क्षेत्रहरुमा अति उच्च सतर्कता अपनाउनका लागि अनुरोध गरिएको छ ।
साथै इलाम, झापा, मोरङ, धनकुटा, तेह्रथुम, पाँचथर, भोजपुर, खोटाङ, ओखलढुङ्गा, सोलुखुम्बु, संखुवासभा, ताप्लेजुङ, रसुवा, नुवाकोट, धादिङ, गोरखा, नवलपरासी पूर्व, नवलपरासी पश्चिम, रुपन्देही, कपिलवस्तु र आसपासका जिल्लाहरुमा उच्च जोखिमको सम्भावना रहने पूर्वानुमान रहेकाले उक्त नदी तटीय क्षेत्रहरुमा उच्च सतर्कता अपनाउन अनुरोध गरिएको छ ।
यसैगरी, कास्की, लमजुङ, पर्वत, स्याङ्जा, तनहुं, गुल्मी, पाल्पा, अर्घाखांची, प्युठान, दाङ, बांके, बर्दिया, र आसपासका जिल्ला भइ बहने स साना नदीहरुको बहाव उल्लेख्य बढ्ने र अकस्मिक बाढी (Flash Flood) को मध्यम जोखिमको उच्च सम्भावना रहने पूर्वानुमान रहेकाले उक्त नदी तटीय क्षेत्रहरुमा उच्च सतर्कता अपनाउनुहुन अनुरोध गरिएको छ ।
