प्युठान, भाद्र १५: प्युठान जिल्लाको स्वर्गद्वारी नगरपालिकामा नेपाल सरकार कृषि तथा पशुपन्छी विकास मन्त्रालयद्वारा निर्मित कृषि तथा पशुपन्छी तर्फको प्रयोगशाला सहितको अत्यधुनिक “एकिकृत कृषि तथा पशुपन्छी सेवा केन्द्र” को भवन स्वर्गद्वारी नगरपालिकालाई हस्तान्तरण गर्ने कार्य सम्पन्न भएको छ ।
स्वर्गद्वारी नगरपालिकाको नगरकार्यपालिकाको कार्यालय भिंगृ, प्युठानमा आयोजना भएको हस्तान्तरण समारोहमा नेपाल सरकार कृषि तथा पशुपन्छी विकास मन्त्री मा. रामनाथ अधिकारी र नेपाली कांग्रेस केन्द्रीय सदस्य तथा राष्ट्रिय योजना आयोगका पूर्व उपाध्यक्ष एवं नेपाल कृषि अनुसन्धान परिषद्, पुनःसंरचना उच्चस्तरीय आयोगका संयोजक प्रा. डा. गोबिन्दराज पोखरेलज्यू बाट अत्यधुनिक भवन नगरपालिकाको प्रमुख श्री टेकप्रसाद भण्डारी मार्फत स्वर्गद्वारी नगरपालिकालाई हस्तान्तरण गर्ने कार्य सम्पन्न भएको हो ।
