काठमाडौं, असार ४: जिल्ला प्रशासन कार्यालय सिन्धुपाल्चोकले जारी गरेको सूचना अनुसार चीनको प्रहरी कार्यालयबाट भोटेकोशी नदी बग्ने तिब्बत क्षेत्रमा भारी वर्षा हुने संभावना रहेको सूचना प्राप्त भएको र त्यसबाट भोटेकोशी र सुनकोशी नदीमा बाढीको खतरा रहेकोले तल्लो तटका बासिन्दालाई आगामी असार ७ गतेसम्म सतर्कता अपनाउन आग्रह गरेको छ।
सोहीअनुसार सकेसम्म नदी किनारामा नजान, सावधानी अपनाउन तथा बेलाबेला सूचना लिइरहन राष्ट्रिय विपद् जोखिम न्यूनीकरण तथा व्यवस्थापन प्राधिकरणलेअनुरोध गरेको छ ।
