काठमाडौँ, पुस २४ ः विसं २०७९ को ‘गोविन्द वियोगी पत्रकारिता पुरस्कार पत्रकार नवराज चालिसे र ‘गोविन्द वियोगी विशेष पत्रकारिता पुरस्कार’ माधव पौडेललाई अर्पण गरिने भएको छ । न्यूज २४ का कार्यक्रम संयोजकका रुपमा चालिसे कार्यरत हुनुहुन्छ भने पौडेल नेपाल फेसको सम्पादक हुनुहुन्छ ।
सम्पादक समाज नेपालका संस्थापक अध्यक्ष गोविन्द वियोगीका स्मृतिमा समाजद्वारा स्थापना गरिएका ती पुरस्कारको राशी क्रमश रु पच्चीस हजार एक र रु पन्ध्रहजार एक रहेका छन् ।
समाजको यही पुस २२ गते बसेको कार्यसमितिको बैठकले वरिष्ठ पत्रकार निर शाह, खिलध्वज थापा, बुँद राना र विमला तुम्खेवालाई ‘सम्पादक समाज सम्मान २०७९’ द्वारा सम्मानित गर्ने निर्णय गरिएको समाजको महासचिव श्याम डोटेलद्वारा आज यहाँ जारी विज्ञप्तिमा जनाइएको छ ।
समाजका सस्थापक अध्यक्ष वियोगीको स्मृति दिवसका अवसरमा ती पुरस्कार र सम्मान समाजको नुवाकोट शिवपुरी—७, गोविन्द वियागी मार्ग, सूर्यचौर स्थित आफ्नै भवनमा आगामी माघ ७ गते शनिबार प्रदान गरिने विज्ञप्तिमा उल्लेख छ । ....
